نداء صلاح الدين
يا جبل ما يهزك ريح
لا دمار ولا تجريح
لا جدار ولا تسليح
حطم العصابة تحتك
يا جبل عشان نستريح
السلام مكانه في قلوبنا
وقلوبنا للناس مصابيح
الحمام بيرفرف على أبراجنا
للسلام بيغنى تسابيح
اسألو الهادى محمد
وأخيه عيسى المسيح
قدسنا بتنادي
اصمدوا يا ولادى
كل مجرم له نهاية
تنتهي بيه الحكاية
تنطوي به السنين
أما أنت يا فلسطين
يا قدر فوق الجبين
يا نضالي وزهرة شبابي
يا خلود نور كتابي
يا نغم قلبي الحزين
اسمعي صلاح الدين
ليه نسيتوا حطين ؟
واللي قتل شيخكوا ياسين
قتلوه الصهاينة
ولا عشان مختلفين
قتلوه العصابة
ولا عميل بوشين
خبريني يا فلسطين
يا تري ما أنش الأوان ؟
وإحنا لينا في كل وقت أدان
للكرامة أتوحدوا
للشهامة أتوعدوا
لجل حرمة الأوطان
لجل أطفال متشردين
كوكب الشرق بتنادى
من على الناي الحزين
ما كفاية بقى . . . .
أهانة وتعذيب وشقا ..
كل قمة افتراق
واجتماع من غير لقا .
ــــــــــــــــــــ◊ــــــــــــــــــ
الشاعر: رمضان الأبنودي
